«Ён можа прыехаць у Кіеў. Я не магу паехаць у Маскву, калі мая краіна пад ракетамі, пад атакай кожны дзень. Я не магу паехаць у сталіцу гэтага тэрарыста», — заявіў прэзыдэнт Украіны ў інтэрвію амэрыканскаму каналу ABC News.
Зяленскі дадаў, што прапанова Пуціна сустрэцца ў Маскве накіравана на зацягваньне перамоўнага працэсу. Паводле Зяленскага, расейскі кіраўнік «гуляе ў гульні са Злучанымі Штатамі» і разумее немагчымасьць сустрэчы ў Маскве.
Пуцін двойчы на гэтым тыдні заяўляў пра гатоўнасьць сустрэцца зь Зяленскім у Маскве. «Калі рэальна нехта хоча з намі сустрэцца — мы гатовы. Самае лепшае месца для гэтага — сталіца Расейскай Фэдэрацыі, горад-герой Масква», — сказаў Пуцін на Ўсходнім эканамічным форуме 5 верасьня.
Пры гэтым Пуцін казаў, што ня бачыць асаблівага сэнсу ў такой сустрэчы, але гатовы прыняць Зяленскага і даць яму гарантыі бясьпекі.
Форум