Яму інкрымінуюць удзел у дзейнасьці замежнай выведкі супраць Польшчы (арт. 130 § 1 польскага Крымінальнага кодэксу). 10 верасьня суд у Варшаве ўзяў яго пад варту на 3 месяцы.
Высланы з Польшчы беларускі дыплямат, пра якога 9 верасьня паведамлялася, што ён «агрэсіўна падтрымліваў» дзеяньні спэцслужбаў — сам займаўся выведвальнай дзейнасьцю, вынікае з паведамленьня ABW. Ягоная высылка і затрыманьне Уладзіслава Н. узаемазьвязаныя.
9 верасьня чэская Служба бясьпекі і выведкі (BIS) паведаміла пра разгалінаваную сетку беларускага КДБ у Эўропе. У Чэхіі абвясьцілі пэрсонай нон-грата беларускага дыплямата Мікалая Дукшту. Днём раней у Румыніі затрымалі былога намесьніка кіраўніка малдаўскай выведкі Аляксандра Балана, якога абвінавацілі ў працы на КДБ Беларусі. 10 верасьня пра высылку беларускага дыплямата абвясьціла і Малдова.
ГЛЯДЗІЦЕ ТАКСАМА: Стала вядомае імя беларускага дыплямата ў Чэхіі, які мог мець дачыненьне да шпіёнскай сеткі ГЛЯДЗІЦЕ ТАКСАМА: Чэскі журналіст пра «беларускую шпіёнскую сетку»: «Апэрацыя зьвязаная з працай расейскай выведкі»